امبراطورية العرب

الاخ الكريم انته لم تقوم بالتسجيل في المنتدي بعد عليك الضغط علي التسجيل لكي تستمتع بالاقامة معنا هنا في امبراطورية العرب
امبراطورية العرب

نحن المبتدأ والاخرون هم الخبر


    اوباما يعتذر عن مقتل ابن لادن...!!!!!!

    شاطر

    مهجة
    عضو جديد
    عضو جديد

    عدد المساهمات : 17
    السٌّمعَة : 0
    تاريخ التسجيل : 19/05/2011
    العمر : 21
    الموقع : الخرطوم

    اوباما يعتذر عن مقتل ابن لادن...!!!!!!

    مُساهمة من طرف مهجة في الأحد مايو 22, 2011 5:11 pm

    رايكم شنو في الموضوع ده لقيتو في صحيفة
    .

    .
    .
    .
    .
    .
    .
    .
    .
    .
    .
    .
    .




    {"اتخيلو بس"واحد يضرب ليك تلفون الساعة 3 صباحا ....عدم موضوع بس...المهم ما علينا عاينت للتلفون لقيت نمرة غربية اصفار كدة وكم تسعة معاها , المهم شلت التلفون ووضعته بعيدا مرت ثواني معدودة تاني التلفون ضرب اخذت الهاتف وانا اغلب النعاس(ايوة....) ردالصوت معتزرا(معليش..معاك اوباما..)قالها بالانجليزى طبعا (يازول انت جنيت في زول بضرب في الوقت ده؟) اجاب اوباما (والله انا يادوب دخلت البيت وبعدين هسع الساعه تمانيه عندنا..) اجبت ببرودشديد(تمانيه دى عندكم انتو..هسع نحن عندنا تلاته صباحا..شنو عدم الزوق ده..اها عاوز شنو؟)قائل (ابدا ما في حاجة بس سمعت انو الناس هناك زعلانين مني عشان موضوع بن لادن ده )اعتراني غضب شديد وانا اقول (ياخي عليك الله ما بتبالغ انت ...الراجل كتلتو ما قلنا حاجة كمان تشيل الجثة وتر ميها في البحر ؟)رد اوباما بصوت خفيض (ما مشكلة...اصلو..)قاطعته في حزم قائلا (ما مشكلة انت قايل روحك اسحق الحلنقي ترميهو في نص البحر وتقول ما مشكلة)..سأل اوباما(يعني هسع الناس دي زعلانة؟)مرت لحظات من الصمت ثم واصل اوباما حديثه قائلا: (نحنا في اميركا خايفين من رد الفعل العربي..عشان كدة بعتذر وبعدين انتو بتلوموني ساكت مافي دولة عربية واسلامية كمان منعت الناس من ان يصلوا على بن لادن صلاة الغائب وحرست المساجد والميادين بأفراد من الجيش والامن قلت مهددا(شوف الحاتعملوا الجامعة العربية في اجتماعها القادم..)قاطعني ضاحكا(القادم ياتو..هو الفات عملوه )ثم واصل قائلا: (الحكام العرب ديل خايفين على مقاعدهم هسع الرؤساء بتلموا في اجتماع يعاينوا جاي يلقوا بن علي مافي ومبارك مافي يقبلو غادي يلقوا القذافي ما معروف ده غير علي عبد الله صالح والاسد.. وبعدين الله اعلم في الاجتماع البعدوا الحايحضروا منو فيهم..) سالت بصوت غاضب: (يعني عاوزين تقولوا لي انه الحكام العرب ديل خايفين منكم؟) اجاب اوباما نحن ضد التدخل في شؤون الدول العربيه ..الكلمه الوحيده البنقولها لما نشوف النظام بدا يسقط..بنقول ان عليه الرحيل ..الباقي قاعدين تتموا براكم.فكرت في حديثه الذي بدا واضحا وانا اقول: (يعني عاوز تقول انتو في امريكا خايفين من الشعوب العربية..؟؟؟)اجاب اوباما وقد بداعلى صوته الارتياح لأني فهمت اخيرا(عليك نور..نحن هدفنا اصلو نحارب القاعدة والشعوب العربية خلت الرؤساء العرب يضغطوا علينا) سألت قائلا كيف؟اجاب اوباما وهو يشرح قائلا: (الرؤساء العرب بقوا يقولو لينا عشان نحارب القاعدة معاكم انتو ..لازم تسكتوا وتعملو نايمين تجاه ما يحدث داخل حدودنا يعني بالعربي كدة اذا الحاكم ضرب شعبو بالصواريخ واقتحم الاحياء السكنية بالدبابات نلم خشمنا ونسكت وكلمة على النظام ان يرحل دي نبلعها عدييييل كدة)سألت مستنكرا (طيب وين الديمقراطية والتغيير؟ ده مش كان شعارك؟)رد ضاحكا (ديموقراطية شنو ؟ نحنا همنا الاول القاعدة ثم البترول وبعدين انتو..)شعرت بعروقي تغلي من شدة الغضب صرخت فيه قائلا: (قبل ان اقفل الخط اوعى تاني تضرب في النمرة دي فاهم)
    ان شاء الله يكون الموضوع عجبكم
    Smile cheers cheers
    تحياتي,,,

      الوقت/التاريخ الآن هو الثلاثاء أكتوبر 16, 2018 6:06 am